ரஃபேல் -ஹிந்து ராம் மீண்டும் அம்பலப்பட்டார்.

ஏற்கனவே ஹிந்து பத்திரிகை குழுமத்தின் தலைமை பொறுப்பில் இருக்கும் என்.ராம்  ,ரஃபேல்  போர் விமான ஒப்பந்தங்களைப் பற்றி பொய்யும் புரட்டுமான கட்டுரையை எழுதி பரபரப்பை ஏற்படுத்தினார்.

அவர் பெயரில் வெளியான அந்த கட்டுரை கூட மற்றோர் இணைய தளத்தில் இருந்து திருடப்பட்டது என்ற உண்மை உடனடியாக வெளியே வந்தது.

இது தொடர்பான சுட்டி இதோ –>  https://oreindianews.com/?p=1079

இந்நிலையில் , இன்றைய ஹிந்து ஆங்கில செய்தித்தாளின் முதல் பக்கத்தில் மற்றும் ஒரு ரஃபேல் கட்டுரை என்.ராமின் பெயரில் வெளியே வந்து பரபரப்பை ஏற்படுத்தியது.

அந்த கட்டுரை பாதுகாப்பு துறையின் அப்போதைய இணை செயலாளர் எஸ்.கே.ஷர்மா 2015 ம் ஆண்டு நவம்பர் ,மாதம் 24ம் தேதி எழுதிய குறிப்பின் நகலைக் கொண்டு எழுதப்பட்டிருந்தது. அந்த ரஃபேல் ஒப்பந்தம் தொடர்பான  குறிப்பில், எஸ்.கே.ஷர்மா ,பிரதமர் மந்திரியின் அலுவலகம் ரஃபேல் ஒப்பந்த பேச்சுவார்த்தையில்  , ஒப்பந்தம் தொடர்பான முறைகளில் ,பாதுகாப்பு அமைச்சக அதிகாரிகளுக்கு இணையாக பேச்சுவார்த்தைகளை நடப்பதாகவும்  , அது பாதுகாப்பு துறையின் பேச்சுவார்த்தை முறைகளை பலவீனப்படுத்துவந்தாகவும் குறிப்பிட்டுள்ளார்.

மேலும்  பிரதம அலுவலக அதிகாரிகளை ரஃபேல் ஒப்பந்த பேச்சுவார்த்தையில் இருந்து விலகியிருக்க வலியுறுத்துவதாகவும் ,அதே சமயம் பிரதமர் அலுவலகம் பாதுகாப்பு அமைச்சக அதிகாரிகளின் பேச்சுவாத்தைகளின் மீது நம்பிக்கை இல்லாமல் இருப்பின், பிரதமர் அலுவலகமே நேரடியாக இந்த ஒப்பந்த நடைமுறைகளை  முன்னின்று பிரான்ஸ் அரசுடன் நடத்தலாம் என்றும் அந்த குறிப்பில் எழுதப்பட்டுள்ளது.

ஆனால் குறிப்பின் முழு நகலையும் வெளியிடாமல் ,பாதி கத்தரித்த பகுதியை மட்டுமே விஷமத்தனமாக வெளியிட்ட என்.ராம் , பிரதமர் அலுவலகம் மத்திய பாதுகாப்பு அமைச்சக அதிகாரிகளின் பேச்சுவாத்தையில் தலையிட்டதாக செய்தி வெளியிட்டது.

ஆனால் என்.ராமின் கள்ளத்தனம் உடனடியாக சமூக வலைத்தளங்களில் அம்பலப்படுத்தப்பட்டது. குறிப்பின் முழு பகுதியும்  இப்போது படிக்கக் கிடைக்கிறது .